Departments
International Service
Services for international patients living outside the Faroe Islands such as tourists, sailors and others

Umboð frá LS á altjóða ráðstevnu um Fysioterapi í psykiatri og sálarligari heilsu

8. MARS 2016

Landssjúkrahúsið verður umboðað á 6. altjóða ráðstevnuni um Fysioterapi í psykiatri og sálarligari heilsu, sum verður í Madrid 9.-11. mars 2016.

Fysioterapeutarnir Lív Egholm og Jórun Simonsen, ið arbeiða á Psykiatriska deplinum, hava á ráðstevnuni eitt uppslag og skulu kunna um, hvussu tær hava implementerað fysioterapeutiska viðgerðarháttin Basic Body Awareness Therapy (BBAT) í Føroyum

Basic Body Awareness Therapy (BBAT) er ein viðgerðarháttur, ið er samansettur av einføldum gerandisrørslum í róligum tempo, ið gevur møguleika at gerast tilvitaður um kroppin og hvussu hann virkar.

BBAT-viðgerðarhátturin økir um rørslukvalitetin og er grundaður á Movement Quality Model (MQM), ið hevur fýra dimensiónir:

  1. Biomekanisk
  2. Fysiologisk
  3. Psyko-socio-kulturelt
  4. Eksistensielt

BBAT-viðgerðin er vend ímóti likamligu sjálvskensluni og setur gongd í kropsligu ressursurnar. Likamliga sjálvskenslan rúmar tilvitaðar/ótilvitaðar og verbalar/nonverbalar partar.

Likamliga sjálvskenslan er partur av samleikafatanini hjá menniskjanum. Hon rúmar ta uppliving og ta fatan, persónurin hevur um seg sjálvan, og hvat hansara kroppur megnar.

Við BBAT-rørslunum økist og styrkist:

  • Kropsliga javnvágin
  • Fríi andadrátturin
  • Nærveran í gerandisdegnum

BBAT er kannað og hevur víst góð árin á nógvar ymiskar diagnosir, bæði psykiatriskar og somatiskar, eitt nú stress, ótta, depressión, órógvaða maga-tarm sjúkueyðkenni, bipolar, etingarólag, persónleikaólag, psykosomatisk sjúkueyðkenni og schizofreni.

Sí postara her.

 

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.