Departments
International Service
Services for international patients living outside the Faroe Islands such as tourists, sailors and others

Nýggj grein um CTD

24. FEBRUAR 2015

Nýggj grein um CTD er nú vorðin almannakunngjørd í altjóða vísundaliga tíðarritinum JIMD Reports. Greinin hevur heitið:

"Carnitine levels in Skeletal Muscle, Blood, and Urine in Patients with Primary Carnitine Deficiency during Intermission of I-Carnitine Supplementation".

Fyrsti høvundur er Jan Rasmussen, lækni á Medisinsku Deild á Landssjúkrahúsinum. Kanningin kundi tó ikki verið framd uttan hollan stuðul frá starvsfeløgum á Medisinska Deplinum, Ríkissjúkrahúsinum, Fróðarskaparsetrinum og Bispebjerg Hospital.

Í greinini verður greitt frá hvussu karnitin virðini falla í vødda, blóði og landi hjá sjúklingum við ringa slagnum av CTD (N32S/N32S), tá teirra dagliga karnitin ískoyti verður steðgað. Kanningin vísti, at fría karnitinið í blóði fellur niður í helvt longu 5-9 tímar aftaná seinastu inntøku av karnitintablettum. Tískil er umráðandi hjá sjúklingunum at taka karnitin regluliga í minsta lagi tríggjar ferðir um dagin. Eisini varð staðfest, at innihaldið av karnitini í vøddunum er sera lítið hjá sjúklingunum, hóast teir taka stórar mongdir av karnitini dagliga. Hetta merkir, at eingin goymsla verður uppbygd hjá sjúklingunum at nýta, tá inntøkan av karnitini minkar.

Kanningin varð framd á Landssjúkrahúsinum, og vóru 5 sjúklingar innlagdir í 5 dagar. Onnur úrslit frá kanningunum fara at verða almannakunngjørd í komandi greinum.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.