Departments
International Service
Services for international patients living outside the Faroe Islands such as tourists, sailors and others

Kostverkætlanin aftur á ráðstevnu

30. AUGUST 2015

Úrslit frá Kostverkætlanini á B6 verða aftur í ár løgd fram á árligu ESPEN ráðstevnuni. Árliga ráðstevnan verður mett at vera fremsta ráðstevna innan kost- og føðsluøkið yvirhøvur

 

Ráðstevnan er 5-8.september í Lissabon, Portugal, og verða vit 4 føroyingar, ið fara við. Tríggir limir úr verkætlanarbólkinum: Ingun GaardboGudna á Rógvi Joensen og Poula Patursson. Harumframt kliniskur dietistur á Landssjúkrahúsinum, Mariann Patursson

 

Allar hava vit serligan áhuga í týdningin av kosti og føðslustøðu innan sjúkuviðgerð, og tí verður spennandi at hoyra nýggjastu gransking á økinum innan m.a. sjúkrahúskost, føðslutrot, krabbamein, diabetes, maga- og tarmsjúkur, cøliaki og mangt annað. 

 

Á ráðstevnuni verður framløga av postara við úrslitum frá eini nøgdsemiskanning á B6 frá 2014. Kannað var, hvussu nøgdir sjúklingar eru við matin á B6, aftaná umfatandi broytingar eru framdar, sum liður í Kostverkætlanini. Framløgan verður seinnapartin 7.september.

 

Hinir rithøvundarnir á postaranum eru: Sonja Nielsen, Harriet Midjord Gordonsdóttir, Guðrið Andorsdóttir, Kári Rubek Nielsen og Shahin Gaini.

  

Mannagongdin at sleppa við á ráðstevnuna hevur verið, at abstrakt varð sent inn í vár, sum bleiv góðkent, og poster skal tí vísast fram á ráðstevnuni. Postarin verður at síggja her á síðuni, tá hann er almannakunngjørdur tann 7.september.   

 

Í fjør var ráðstevnan í Geneve, Sveis, og eisini tá var framløga av postara um Kostverkætlanina lagdur fram. Nógv fólk vístu áhuga í støðuni hjá sjúklingum í Føroyum. Fleiri fólk høvdu als ikki hoyrt um Føroyar fyrr. Les meira um vitjanina á ESPEN í fjør HER.  

 

 

/Poula Patursson, verkætlanarsamskipari

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.