11-05-2012
Føroyskur lækni heldur fyrilestur um CTD í Týsklandi.Føroyskur lækni heldur fyrilestur um CTD í Týsklandi
 Jan Rasmussen, lækni á Landssjúkrahúsinum, ið granskar innan CTD, er boðin at halda fyrilestur í Hannover í dag fyri týskum fakfólki, ið hava áhuga í metaboliskum sjúkum og screening av nýføðingum.
Heitið á ráðstevnuni er: 19.th Annual Meeting of the German Society for Newborn Screening.
Heitið á fyrllestrinum er: Carnitine transporter deficiency - Data from the Faroe Islands.
Jan Rasmussen, Dept. og Internal Medicine, National Hospital of the Faroe Islands.
Trýst á leinkjuna niðanfyri at lesa abstract (samandrátt) á enskum.
| | | 09-05-2012
Brandvenjing á Landssjúkrahúsinum í kvøld 9. mai.Brandvenjing á Landssjúkrahúsinum í kvøld 9. mai
 Brandvenjingin sum Tórshavnar Sløkkilið hevur á Landssjúkrahúsinum á hvørjum ári verður í kvøld kl. 19.00.
Bjargingarroyndir verða framdar, og væntandi verður nógvur roykur.
Fólk eru fyrireikaði uppá tiltakið.
| | | 03-05-2012
Avtala um blóðroyndartænastu í Tórshavnar Kommunu.Avtala um blóðroyndartænastu í Tórshavnar Kommunu
Rannsóknarstovan/Diagnostiski depilin á Landssjúkrahúsinum og Tórshavnar kommuna hava gjørt samstarvsavtalu um blóðroyndartænastu.
Endamálið er at lætta um hjá sjúkum eldri fólki at fáa tikið blóðroynd við hús, heldur enn at møta upp á Rannsóknarstovuni.
Tænastan er ætlað sjúklingum á bústovnum og heimabúgvandi í Tórshavnar kommunu, sum lækni metir verða so óhjálpin, at hesi ikki klára at koma á Rannsóknarstovuna at taka blóðroynd uttan hjálp frá avvarðandi, røktarstarvsfólki ella portørum.
Tænastan umfatar vanligar blóðroynir bílagdar av kommunulæknum og sjúkrahúslæknum.
Skipanin er fyribils ein royndarskipan til borgarar í Tórshavnar kommunu, ið Sosiala nevnd hevur tikið stig til.
| | | 02-05-2012
Nýggjur leiðandi sjúkrarøktarfrøðingur til Landssjúkrahúsið/Psykiatriska depilin.Nýggjur leiðandi sjúkrarøktarfrøðingur til Landssjúkrahúsið/Psykiatriska depilin
 Tórunn Højgaard Ósa er í dag sett sum leiðandi sjúkrarøktarfrøðingur á Psykiatriska deplinum.
Umframt leiðandi funktión á deplinum saman við Tormóður Stórá, leiðandi yvirlækna, verður hon somuleiðis partur av samlaða leiðslutoyminum á Landssjúkrahúsinum, ið fevnir um 6 deplar.
Tórunn Højgaard Ósá er útbúgvin sjúkrarøktarfrøðingur frá 2001, og hevur harumframt eina cand. scient. soc. útbúgving frá Roskilde Universitet Center í 2010.
Seinastu árini hevur Tórunn Højgaard Ósá arbeitt á Psykiatriska deplinum við uppgávum innan bæði sjúkrarøktarfakliga økið, fyrisiting og leiðslu.
Hon er 37 ár, og búsitandi í Hoyvík.
| | | 20-04-2012
Starvsfólk á skeið innan krabbameinsviðgerð og røkt.Starvsfólk á skeið innan krabbameinsviðgerð og røkt
 Medisinska deild B6 hevur í vikuni skipað fyri fýra daga skeiði í supportive care í Veitsluhøllini á Landssjúkrahúsinum.
Skeiðið snýr seg um stuðlandi viðgerð og røkt til krabbameinssjúklingar,
bæði sjúklingar, ið eru í aktivari viðgerð og um palliativir sjúklingar.
Undirvísari var Svend Ottosen frá Roskilde sjúkrahúsi, yvirlækni í onkologi.
42 luttakarar hava verið á skeiðnum. Hesi komu frá Klaksvíkar Sjúkrahúsi, Suðuroyar Sjúkrahúsi, Landssjúkrahúsinum og Nærverkinum.
| | |
|
|
DAGSINS MATSKRÁ 
Abstract á enskum
