´ Landssjúkrahúsið | Meginsjúkrahús & Undirvísingarsjúkrahús
 



TELEFONNUMMUR
Neyð og hjálp
112

Landssjúkrahúsið
304500

Læknavaktin
1870
Les meira

Skaðastovan
Les meira



Vitjanartíð er millum kl. 15-16 og 19-20.

Finn deild

 


DAGSINS MATSKRÁ

Grýturættur, ananas, rís og epli     Ferska v/ makrónróma

Kafein í forhøllini: Grýturættur, ananas, rís og epli  


20-11-2014
Fyrilestrar um Parkinson sjúkuna verða á LS tann 28. nov. kl. 19.30.Fyrilestrar um Parkinson sjúkuna verða á LS tann 28. nov. kl. 19.30
Kristian Vinge, neurologur greiðir frá nýggjum viðgerðarmøguleikum og tí nýggjasta innan gransking í Parkinson.

Maria Skaalum Petersen, granskari, greiðir frá Parkinson gransking í Føroyum, hvat er fari fram og hvørjar framtíðarætlanir eru.

Høvi verður at seta spurningar, og kaffi og te verður at fáa.
Tilmelding er ikki neyðug.

Tiltakið verður í Veitsluhøllini á Landssjúkrahúsinum, Eirargarður 7, tann 28. nov. kl. 19.30.

Parkinsonfelagið
Plakat Plakat
 
18-11-2014
Føðslutrot økir um deyðstíttleika millum sjúk og eldri og er størri útreiðsla fyri sjúkrahúsverk.Føðslutrot økir um deyðstíttleika millum sjúk og eldri og er størri útreiðsla fyri sjúkrahúsverk
Køkurin á Landssjúkrahúsinum hevði opið hús í síðstu viku, har endamálið var at seta fokus á føðslutrot.
Umleið hálvthundrað fólk møttu upp, tó veðrið var sera vánaligt, og tey fingu áhugaverdan fyrilestur frá bæði starvsfólki á Landssjúkrahúsinum, og frá Herlev Hospital, sum hevur stórt fokus á føðslutroti.

Ikki er óvanligt at sjúklingar og eldri fólk fáa føðslutrot, tí matarlysturin manglar.
Føðslutrot hevur við sær, at immunverjan viknar. Hetta viðførur, at fólk við føðslutroti gerast oftari sjúk og eru longri innløgd á sjúkrahúsi. Tey eru harumframt meiri røktarkrevjandi og deyðstittleikin er hægri.

Føðslutrot er kostnaðarmikið fyri samfelagið, vísa kanningar uttanlands. Ein nýggj kanning úr Hollandi vísti, at føðslutrot kostar áleið 2% av samlaðu heilsuútreiðslunum í landinum (Freijer: The economic costs of disease related malnutrition, Clin. Nutr. 2013).
Leysliga samanborið við Føroyar, hevði hetta svarað til uml. 19 mió. krónur árliga.

Á Herlev Hospital verður føðslutrot raðfest við góðum úrsliti. Fyribils tøl vísa á, at fólk sum fáa ráðgeving og hjálp til føðslu koma seg skjótari, verða ikki innløgd eins ofta og liva longri, um tey fáa orkuríkan mat og kostráðgeving.

Á Landssjúkrahúsinum er verkætlan um føðslutrot sett í verk á seingjardeildini B6, sum viðgerð sjúklingar við krabbameini, maga-tarmsjúkum, brunasjúkum og øðrum sjúkum. Stórur partur av sjúklingunum á B6 eru eldri fólk. Endaliga úrslitið fer at fyriliggja í 2015.
Les meira um Kostverkætlanina á B6 við at trýsta á leinkjuna niðanfyri. www.ls.fo/kostverkaetlaninb6
 
05-11-2014
Landssjúkrahúsið fer undir at brúka Mínboks.Landssjúkrahúsið fer undir at brúka Mínboks
Landssjúkrahúsið hevur sum visjón at verða pappírsleyst. Sum liður í hesum er nú klárt at verkseta innkallingar til borgarar/sjúklingar umvegis Mínboks.
Skipanini fer at verða innførd í stigum. Fyrsta økið er Endoskopieindin, ið ger kikara- kanningar í maganum og langanum.

Skipanin virkar soleiðis, at tá sjúklingur skal innkallast, trýstir starvsfólkið á ein knøtt í sjúklingaskipanini THS. Hetta viðførur at eitt innkallingarsskjal fer til eina sjálvvirkandi skipan, sum finnur móttakaran í Mínboks. Brævið leggur seg so í Mínboks hjá móttakaranum, sum sostatt fær tað elektroniskt.
Hevur móttakarin ikki fingið sær Mínboks, finnur skipanin sjálv útav at lata innkallingarbrævið til eina automatiska pakki-skipan hjá Elektron, ið skrivar út innkallingina, og pakkar í brævbjálva, sum síðani verður sendur móttakaranum umvegis Posta.

Við hesum gerst innkallingarmannagongdin einfaldari og smidligari, og kemur skjótari fram til sjúklingin.

Spennandi verður at fara í gongd og at víðka hettar til aðrar eindir í leypið av 2015. Málið er, at allar eindir á Landssjúkrahúsinum kunnu brúka Mínboks innan endan av 2015.

Til ber at melda seg til Mínboks umvegis heimasíðuna www.minboks.fo/
 
20-10-2014
Nýggj granskingargrein um lívshóttandi infektiónir har granskari av LS er høvundur.Nýggj granskingargrein um lívshóttandi infektiónir har granskari av LS er høvundur
Shahin Gaini, yvirlækni Ph.D. í internum medisini, infektiónsmedisini og tropumedisini hevur í samstarv við granskarar í Danmark og USA almannakunngjørt eina vísindaliga grein í Journal of Critical Care um blóðeitran, sjokk og akuttan æðraskaða við lívshóttandi infektiónum sum sepsis og meningitis.

Granskarar vóna, at útslitini kunnu verða við til at menna vitanina og viðgerðarmøguleikarnar, tá talan er um sverar infektiónir í einum globalum høpi.

Medisinska Granskingareindin á Landssjúkrahúsinum samstarvar við Ríkissjúkrahúsið, Keypmannahavnar Universitet, Odense Universitetssjúkrahús, Súðurdansk Universitet, Landspitali Reykjavík, Háskula Ìslands, Amsterdam Universitet, AMC Uni.sjúkrahús Amsterdam og Fróðskaparsetur Føroya.

(Trýst á yvirskriftina fyri at lesa meira.)


 
29-09-2014 10:16
Psykiatrisk ráðstevna 2-3. okt 2014.Psykiatrisk ráðstevna 2-3. okt 2014
Seinasta freist at melda til er týsdagin 30.09 kl 16
Heiti á ráðstevnuni er "Samskapað psykiatri" - rehabilitering og recovery.
Endamálið er at varpa ljós á menning innan psykiatriska økið- at finna nýggjar leiðir.
Landsstýrismaðurin í heilsumálum hevur skrivað í Heilsunýskipanini, at møguleikar eru fyri bata, tá vit tosa um heilsutænastur til fólk við sálarsjúku, og at tað skal gerast ein heildarpsykiatri ætlan.
Psykiatriski depilin á LS vil fegin vera ein aktivur luttakari í hesari ætlan.

Ráðstevnan verður í Norðurlandahúsinum, og er deild upp í tveir dagar, og tveir málbólkar.
2. okt er málbólkurin almennur, og 3. okt. er málbólkurin fakligur.
Kostnaðurin er kr. 450,- pr. dag.
Les um ráðstevnuna og sí skrá og hvussu tú meldar teg til við at trýsta á fíluna niðanfyri.

Psykiatrisk depilin
Landssjúkrahúsið
Skrá Psykiatri ráðstevna Skrá Psykiatri ráðstevna
 



   Faldarar hjá LS




   Kanning fyri CTD





 



   Leys størv



Til Barnakonur

 

Upp og afturlatingartíðir hjá Rannsóknarstovuni




    Ný- og umbygging á  LS